RTÜK və TRT-də uzun illər fəaliyyət göstərən jurnalist Ankarada dəfn olunacaq
Elpress.az xəbər verir ki, Türkiyənin Radio və Televiziya Ali Şurasında (RTÜK) Üst Kurul mütəxəssisi kimi çalışan, jurnalist və TRT Baş İdarəsinin uzunillik əməkdaşı Mahmut Demiryürek vəfat edib.Ankarada yaşayan Demiryürekin uzun müddət böyrək xəstəliyindən əziyyət çəkdiyi bildirilib. Onun ölümü ailəsi, yaxınları, Tokatdan olan həmyerliləri və media ictimaiyyəti tərəfindən kədərlə qarşılanıb.Tokatın Reşadiyə rayonundan olan Demiryürek uzun illər RTÜK-də müxtəlif vəzifələrdə çalışıb, həmçinin TRT Baş İdarəsində mühüm vəzifələrdə fəaliyyət göstərib. O, Ankara Jurnalistlər Cəmiyyətinin üzvü olub.Peşəkar fəaliyyəti ilə tanınan Demiryürek media sahəsindəki təcrübəsi, nəzakəti və doğma Tokata bağlılığı ilə seçilib. CHP Tokat millət vəkili Kadim Durmaz da jurnalistin vəfatı ilə bağlı başsağlığı verərək onu Tokata bağlılığı ilə tanınan və media ictimaiyyətinin təcrübəli simalarından biri kimi xarakterizə edib.Mahmut Demiryürekin 17 avqustda günorta namazından sonra Ankaradakı Karşıyaka qəbiristanlığında dəfn olunacağı bildirilib.
