Muzey Mərkəzində Azərbaycan Dövlət Rəsm Qalereyasının təşkilatçılığı ilə gənc rəssamların “Sənin adın nədir?” adlı ilk tanıtım sərgisinin açılış mərasimi keçirilib.
Elpress.az xəbər verir ki, tədbirdə Mədəniyyət nazirinin müavini Murad Hüseynov çıxış edərək sərginin əsas məqsədinin gənc rəssamların yaradıcılıq axtarışlarını dəstəkləmək və onların ilk peşəkar sərgi təcrübəsini qazanmalarına şərait yaratmaq olduğunu bildirib.Sərgidə 67 gənc rəssamın rəngkarlıq, heykəltaraşlıq, dekorativ-tətbiqi sənət, instalyasiya və video-art sahələrini əhatə edən əsərləri nümayiş etdirilir.
Xalq rəssamları Arif Hüseynov və Ömər Eldarov gənc sənətçilərə uğurlar arzulayıblar. Tədbirdə iştirak edən gənc rəssam Nərmin İsmayılova isə sərgidə təqdim olunan “Ah, gözələm mən” adlı əsəri barədə məlumat verərək, onun cəmiyyətə fərqli baxış bucağı təqdim etdiyini qeyd edib.
Qeyd edək ki, “Sənin adın nədir?” sərgisi sentyabrın 3-dək ziyarətçilər üçün açıq olacaq
