Bakı Beynəlxalq Dəniz Ticarət Limanının Azərbaycan Dəmir Yollarının strukturuna inteqrasiyası yükdaşımaların daha effektiv təşkilinə imkan yaradıb.
Elpress.az xəbər verir ki, bunu Şahin Babayev ARB24 telekanalına və “Report” İnformasiya Agentliyinə müsahibəsində deyib.Onun sözlərinə görə, Bakı Beynəlxalq Dəniz Ticarət Limanının Azərbaycan Dəmir Yolları ilə birləşdirilərək yenidən təşkil olunması nəqliyyat-logistika zəncirində koordinasiyanı gücləndirib.Şahin Babayev bildirib ki, həyata keçirilən inteqrasiya nəticəsində yüklərin daha operativ, səmərəli və iqtisadi cəhətdən əlverişli şərtlərlə daşınması üçün əlavə imkanlar formalaşıb.O qeyd edib ki, bu addım ölkənin tranzit potensialının artırılmasına və beynəlxalq yük axınlarının daha effektiv idarə olunmasına da mühüm töhfə verir.
