Aysel Əlibəyli
04 İyun 2026 · 20:53
1210 baxış
Biləsuvarda yük maşını ilə minik avtomobili toqquşub, yaralananlar var
Baş verən yol-nəqliyyat hadisəsi iki nəfərin xəsarət alması ilə nəticələnib.
Elpress.az “Qafqazinfo”ya istinadən xəbər verir ki, qəza köhnə Ələt-Astara magistralının Əsgərabad kəndi ərazisindən keçən hissəsində baş verib.İlkin məlumata görə, “DAF” markalı yük avtomobili ilə “Mercedes” markalı minik maşınının toqquşması nəticəsində iki qadın müxtəlif dərəcəli bədən xəsarətləri alıb.Hadisə yerinə çağırılan təcili tibbi yardım briqadası yaralılara ilkin yardım göstərdikdən sonra onları Biləsuvar Rayon Mərkəzi Xəstəxanasına aparıb.Qəzanın başvermə səbəblərinin müəyyənləşdirilməsi istiqamətində araşdırma aparılır.
