Sürətli qatar xətti üçün Hövsanda hazırlıq mərhələsi: yaşayış evlərinin söküntüsünə başlanılıb, sakinlərə kompensasiya ödənilir
Hövsan qəsəbəsində sürətli qatar layihəsinin icrası ilə əlaqədar dəmir yolu xəttinin yaxınlığında yerləşən bəzi yaşayış evlərinin söküntüsü həyata keçirilir.Layihə çərçivəsində ərazidə bir müddət əvvəl yaşayış evlərinin siyahıya alınması, nömrələnməsi və ölçülməsi işləri aparılıb. Hazırda isə hazırlıq mərhələsi başa çataraq praktiki söküntü tədbirlərinə başlanılıb.İlkin məlumatlara əsasən, layihənin həyata keçirilməsi üçün ərazisi və yaşayış sahəsi istifadə olunan sakinlərə qanunvericiliyə uyğun olaraq kompensasiya ödənilməsi nəzərdə tutulur. Həmçinin bəzi evlərin mülkiyyət sənədlərinin olmamasına baxmayaraq, həmin yaşayış sahələrinin sahiblərinin də kompensasiya ilə təmin ediləcəyi bildirilir.Sürətli qatar layihəsinin əsas məqsədi dəmir yolu infrastrukturunun inkişaf etdirilməsi, təhlükəsizlik tədbirlərinin gücləndirilməsi və gələcəkdə daha müasir nəqliyyat imkanlarının yaradılmasıdır.Söküntü və hazırlıq işlərinin mərhələli şəkildə davam etdirilməsi, qarşıdakı dövrdə dəmir yolu xətti boyunca digər ərazilərdə də analoji tədbirlərin görülməsi gözlənilir.
