Prezident İlham Əliyev Gömrük Məcəlləsinə dəyişiklikləri təsdiqlədi: İdxal olunan mallara uyğunluq sənədlərinin təqdim edilməsi məcburi olacaq
Elpress.az xəbər verir ki, Prezident İlham Əliyev Gömrük Məcəlləsində dəyişiklik edilməsi haqqında qanunu və onun tətbiqi barədə Fərmanı təsdiq edib. Yeniliklərə əsasən, ölkəyə idxal olunan və barəsində texniki reqlamentlər tətbiq edilən mallar üçün uyğunluq sertifikatı, uyğunluq bəyannaməsi və ya tanınmış xarici mənşəli sənədlər gömrük rəsmiləşdirilməsi zamanı təqdim olunmalı və yoxlanılmalıdır. Bu tələblər müvafiq standartların hər ikisi qüvvəyə mindikdən 2 il sonra şamil ediləcək.Dövlət başçısının Fərmanına əsasən, Nazirlər Kabinetinə 6 ay müddətində gömrük əməkdaşlarının maddi və sosial təminatı, müavinətlər və əlavə ödənişlərlə bağlı təkliflər hazırlayıb təqdim etmək tapşırılıb.
