İqnatsio Kassis: Rusiyanın Ukraynaya qarşı müharibəsi Avropanın təhlükəsizliyi üçün ən böyük çağırışdır
Elpress.az xəbər verir ki, İsveçrənin xarici işlər naziri vә ATƏT-in fəaliyyətdə olan sədri İqnatsio Kassis Bakıda Azərbaycanın xarici işlər naziri Ceyhun Bayramov ilə keçirdiyi birgə mətbuat konfransında Avropa təhlükəsizliyi və qlobal problemlərə toxunub. ATƏT sədri bildirib ki, Rusiyanın Ukraynaya qarşı müharibəsi regional təhlükəsizlik üçün ən ciddi təhdiddir və təşkilatın əsas məqsədi fərqli mövqelərə malik tərəfləri bir masa arxasında əyləşdirərək real dialoqu bərpa etməkdir.İ. Kassis vurğulayıb ki, atəşkəs əldə olunacağı təqdirdə ATƏT ədalətli və davamlı sülhün təmin edilməsi prosesinə qoşulmağa hazır olmalıdır. O, həmçinin Azərbaycanın təşkilatla tərəfdaşlığını yüksək qiymətləndirdiyini və qarşılıqlı maraq doğuran sahələrdə əməkdaşlığı daha da gücləndirmək əzmində olduqlarını diqqətə çatdırıb.
