Dövlət Miqrasiya Xidməti xəbərdarlıq etdi: 15 gündən artıq qeydiyyatsız qalan əcnəbiləri və onları qəbul edənləri cərimə gözləyir
Elpress.az xəbər verir ki, Dövlət Miqrasiya Xidməti (DMX) ölkə ərazisində olduğu yer üzrə qeydiyyat qaydalarını pozan əcnəbilər və vətəndaşlığı olmayan şəxslərlə bağlı xəbərdarlıq edib. Qanunvericiliyə əsasən, Azərbaycanda 15 gündən artıq müvəqqəti qalan şəxslər müvafiq qaydada qeydiyyata alınmalıdırlar.Bunun üçün şəxsi qəbul edən tərəf 15 gün ərzində ərizə-anket və pasport surətini DMX-yə təqdim etməlidir. Qeydiyyat prosesi tamamilə ödənişsizdir və heç bir dövlət rüsumu tələb olunmur. Müəyyən olunmuş müddətdə qeydiyyatdan keçməyən əcnəbilər, eləcə də onları qəbul edən tərəf qanunvericiliyə uyğun olaraq inzibati məsuliyyətə cəlb edilirlər.
