Şuşada doğma yurda qayıdışın sevincini və Qarabağın yenidən qurulmasını əks etdirən xüsusi videoçarx hazırlanıb. Doğma şəhərinə qayıdan sakinlər bu dəfə Zəfər Gününü fərqli təqdimatla qeyd ediblər.
Elpress.az xəbər verir ki, 8 Noyabr – Zəfər Günü münasibətilə Şuşada “Qarabağ, sən dirçəlirsən!” adlı fləşmob təşkil olunub.
Layihə Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı, Şuşa rayonunda Azərbaycan Respublikası Prezidentinin xüsusi nümayəndəliyinin dəstəyi ilə həyata keçirilib. Tədbirə Şuşa şəhərinə köçmüş sakinlər də qoşulublar.
Fləşmob vasitəsilə işğaldan azad edilmiş ərazilərdə həyatın bərpası, sakinlərin doğma torpaqlarına qayıdışı və Qarabağın dirçəlişi mövzuları ön plana çıxarılıb.
Təşkilatçılar layihə ilə Zəfər Gününün mənəvi əhəmiyyətini və doğma yurda bağlılığı nümayiş etdiriblər.
