Bakıda hava şəraitinin pisləşməsi paytaxtın əsas avtomobil yollarından birində hərəkətə təsir edib. Sürücülərə təhlükəsizlik baxımından sürət rejiminə xüsusi diqqət yetirmək tövsiyə olunur.
Elpress.az xəbər verir ki, Zığ dairəsi–Hava Limanı avtomobil yolunda bütün hərəkət zolaqları üzrə sürət həddi saatda 20 kilometr azaldılıb.
Məlumata görə, qərar ərazidə müşahidə olunan güclü külək və yağıntılı hava şəraiti ilə əlaqədar verilib. Həmçinin yolun bütün zolaqlarında sürücüləri mümkün təhlükə barədə xəbərdar edən “Sürüşkən yol” nişanı aktivləşdirilib.
Nəqliyyatı İntellektual İdarəetmə Mərkəzinin məlumatına əsasən, sürət tablolarında müvafiq xəbərdarlıq da yerləşdirilib.
Sürücülərə yolun vəziyyətini nəzərə almaları, kəskin manevrlərdən çəkinmələri və elektron tablolarda göstərilən sürət məhdudiyyətlərinə riayət etmələri tövsiyə olunur.
