2026-cı ilin yanvar-may aylarında vətəndaşlara qaytarılan ƏDV məbləği 87,3 milyon manatı ötüb.
Elpress.az xəbər verir ki,Dövlət Vergi Xidmətinin açıqladığı məlumata əsasən, geri ödənişlər pərakəndə satış və ictimai iaşə sektorunda əldə edilən mallar, eləcə də müxtəlif xidmətlər üzrə aparılıb. ƏDV qaytarılması teatr və kinoteatr xidmətləri, muzeylərə giriş, simfonik konsertlər, tibb müəssisələrinin xidmətləri və azad edilmiş ərazilərdə yerləşən hotellərdə gecələmə xərclərini də əhatə edib.Vəsaitlər istehlakçılara müvəkkil banklar vasitəsilə köçürülüb. Bununla yanaşı, qanunvericiliyə uyğun olaraq avtomobil, yanacaq məhsulları, alkoqollu içkilər və tütün məmulatlarının alınmasına görə ödənilən ƏDV geri qaytarılan kateqoriyalara daxil edilməyib.Məlumatda həmçinin qeyd olunur ki, hesabat dövründə xarici turistlərin ölkə daxilində şəxsi istifadə məqsədilə aldıqları mallara görə “Tax Free” sistemi çərçivəsində 3 milyon 434 min manat ƏDV geri ödənilib.
