Enerji bazarlarında qeyri-müəyyənlik səviyyəsi yüksək olaraq qalır, eyni zamanda bazardakı güclü dəyişkənlik qlobal enerji sektorunda riskləri artırır.
Elpress.az-ın Apa.az-a istinadən verdiyi məlumata əsasən, 31-ci Bakı Enerji Forumunda çıxış edən “Deloitte” şirkətinin “Strategiya və tranzaksiyalar” istiqaməti üzrə partnyoru Aleksios Zaxariadis bildirib ki, qlobal enerji bazarlarında müşahidə olunan yüksək qeyri-müəyyənlik və dəyişkənlik enerji axınlarına da ciddi təsir göstərir.Onun sözlərinə görə, son illərdə baş verən münaqişələr və geosiyasi gərginliklər şirkətlərin fəaliyyətlərini daha dayanıqlı qurmasının vacibliyini açıq şəkildə ortaya qoyub.Aleksios Zaxariadis qeyd edib ki, mürəkkəb və qeyri-sabit şəraitdə uğur qazanacaq tərəflər aydın seçimlər etməyi və cəsarətli qərarlar qəbul etməyi bacaran şirkətlər və hökumətlər olacaq.O vurğulayıb ki, neft-qaz sektorunun hasilat seqmentində əsas üstünlük aşağı maya dəyərinə, aşağı karbon intensivliyinə malik, etibarlı təchizat imkanları təqdim edən və güclü inkişaf strategiyasına sahib istehsalçılarda olacaq. Onun ifadə etdiyi “üstünlüklü barellər” anlayışı da məhz bu xüsusiyyətləri özündə birləşdirən istehsalı əhatə edir.Zaxariadis əlavə edib ki, qeyri-müəyyənliklərin artdığı bir dövrdə etibarlılıq təkcə əməliyyat göstəricisi deyil, həm də mühüm kommersiya üstünlüyü və dəyər yaradan əsas amillərdən birinə çevrilib.
