Azərbaycan Turizm Bürosunun Destinasiyanın İnkişafı və Turizm Məhsul Departamentinin rəhbəri Heybət Vəliyev mövsüm öncəsi turistlərin təhlükəsizliyinin artırılmasının vacibliyini vurğulayıb.
Elpress.az “Report”a istinadən xəbər verir ki, Onun sözlərinə görə, ölkəyə gələn qonaqların və regionlarda səyahət edən turistlərin təhlükəsizliyinin təmin olunması üçün bələdçilərin rolu xüsusi əhəmiyyət daşıyır. Vəliyev bu istiqamətdə Fövqəladə Hallar Nazirliyi ilə birgə keçirilən təlimlərin mühüm addım olduğunu bildirib.O qeyd edib ki, belə təlimlər turizm sənayesi nümayəndələri, xüsusilə də dağ və ekoturizm üzrə fəaliyyət göstərən bələdçilərin hazırlığının artırılmasına xidmət edir.Heybət Vəliyev əlavə edib ki, ekoturizm və aktiv turizmin inkişafı Dövlət Turizm Agentliyinin əsas prioritetlərindəndir və bu sahədə standartların tətbiqi, dağ marşrutlarının inkişafı və bələdçilərlə əməkdaşlıq davam etdirilir.
