BOKT-ların öhdəliklərinin kapitala nisbəti üzrə 1, 3 və 10 misli hədlər tətbiq olunacaq
Elpress.az xəbər verir ki, Azərbaycanda bank olmayan kredit təşkilatlarının (BOKT) borclanması ilə bağlı yeni tələblər müəyyənləşdirilib.Azərbaycan Mərkəzi Bankının Bank olmayan kredit təşkilatlarının fəaliyyətinə nəzarət departamentinin direktoru Xəyyam İsmayılov bildirib ki, BOKT-ların öhdəliklərinin kapitala nisbəti üzrə 1, 3 və 10 misli olmaqla üç hədd nəzərdə tutulub.Onun sözlərinə görə, yeni yanaşmanın əsas məqsədi BOKT-ların cəlb etdikləri vəsaitləri müştərilərə daha yüksək faizlə təqdim etməsinin qarşısını almaq və onların kifayət qədər kapitala malik olmasını təmin etməkdir.Xəyyam İsmayılov qeyd edib ki, hazırda Azərbaycanda BOKT-ların istehlak kreditləri üzrə orta faiz dərəcəsi 35 faiz təşkil edir. BOKT istehlak kreditləri üzrə müəyyən edilmiş faiz həddini keçmədiyi halda kapitalının 10 mislinədək öhdəlik cəlb edə biləcək.AMB rəsmisi bildirib ki, məsələn, BOKT-un kapitalı 5 milyon manatdırsa, müəyyən şərtlər daxilində onun öhdəliklərinin həcmi kapitalın 10 mislinə qədər artırıla bilər.O əlavə edib ki, öhdəliklərini davamlı şəkildə artıran BOKT-larda əlavə risklər yarandığından, bu sahədə kapital tələblərinin qorunması mühüm əhəmiyyət daşıyır.
