Aysel Əlibəyli
23 Avqust 2026 · 22:24
1016 baxış
Bakının Xətai rayonunda çoxmərtəbəli yaşayış binasında yanğın baş verib.
Elpress.az xəbər verir ki, hadisə Məhəmməd Hadi küçəsində, Həzi Aslanov metro stansiyasının yaxınlığında yerləşən binalardan birində qeydə alınıb.
Fövqəladə Hallar Nazirliyindən bildirilib ki, yanğın mənzillərdən birində başlayıb. Hadisə yerinə FHN-in Dövlət Yanğından Mühafizə Xidmətinin və Bakı Regional Mərkəzinin qüvvələri cəlb olunub.
Yanğın qısa müddətdə məhdudlaşdırılıb.
Hadisə ilə bağlı əlavə məlumat verilmir.
