Fövqəladə vəziyyətə hazırlıq: Gəncədə ticarət mərkəzində genişmiqyaslı yanğın təlimi keçirildi
Elpress.az-ın Qafqazinfo.az-a istinadən verdiyi məlumata əsasən, Fövqəladə Hallar Nazirliyi (FHN) Gəncə şəhərində yerləşən ticarət mərkəzlərindən birində yanğın təhlükəsizliyi ilə bağlı xüsusi təlim keçirib.Yeni Gəncə yaşayış massivində yerləşən “Nəhəng Daş” ticarət mərkəzində təşkil olunan yanğın-taktiki təlim “Ticarət müəssisələrində baş verən yanğın hadisələrinin söndürülməsi” mövzusuna həsr olunub.Təlimin əsas məqsədi ticarət obyektlərində yanğın baş verdiyi halda FHN bölmələrinin çevik fəaliyyətini və qarşılıqlı koordinasiyasını təkmilləşdirmək, şəxsi heyətin peşəkar hazırlığını artırmaq, həmçinin obyekt əməkdaşlarının fövqəladə hallar zamanı düzgün davranış qaydaları barədə biliklərini gücləndirmək olub.Təlim zamanı şərti yanğın hadisəsi yaradılıb. FHN Dövlət Yanğından Mühafizə Xidmətinin Gəncə şəhər Dövlət Yanğından Mühafizə İdarəsinin bölmələri hadisə yerinə operativ şəkildə cəlb olunaraq kəşfiyyat işləri aparıb və “yanğının söndürülməsi” əməliyyatını həyata keçirib.Təlimdə ümumilikdə 40 nəfər şəxsi heyət və 4 xüsusi texnika iştirak edib.Tədbirin sonunda keçirilmiş təlimin nəticələri təhlil olunub, əldə olunan təcrübə müzakirə edilib və gələcək fəaliyyətlə bağlı müvafiq tapşırıqlar verilib.
