Aysel Əlibəyli
16 İyul 2026 · 18:01
1052 baxış
Ukraynanın Odessa sahilləri yaxınlığında hücuma məruz qalan “Atlas Bey” mülki ticarət gəmisinin heyətində olan Azərbaycan vətəndaşlarının ölkəyə qaytarılması istiqamətində tədbirlər davam edir.
Elpress.az xəbər verir ki, bu barədə Azərbaycan Xarici İşlər Nazirliyi məlumat yayıb.
Bildirilib ki, iyulun 14-də hücuma məruz qalan gəminin heyətində olan 10 nəfər Azərbaycan vətəndaşı Moldova üzərindən Türkiyəyə, oradan isə Azərbaycana yola salınıb.
Məlumata görə, gəmi kapitanının axtarışları davam etdirilir. Azərbaycanın Ukraynadakı Səfirliyi bu istiqamətdə Ukraynanın aidiyyəti qurumları ilə birgə zəruri tədbirlər həyata keçirir.
Xarici İşlər Nazirliyi vəziyyəti nəzarətdə saxladığını və proseslə bağlı müvafiq işlərin davam etdirildiyini bildirib.
