Aysel Əlibəyli
04 Oktyabr 2026 · 13:45
1060 baxış
Bakıda təşkil olunan cüdo üzrə dünya çempionatında Azərbaycan idmançıları mübarizəni uğurla davam etdirirlər.
60 kiloqram çəki dərəcəsində tatami üzərinə çıxan Əhməd Yusifov və Balabəy Ağayev növbəti mərhələyə vəsiqə qazanıblar.
Əhməd Yusifov 1/16 final görüşündə Monqolustan təmsilçisi Tumenjarqal Tuvşinturu məğlub edərək 1/8 finala adını yazdırıb.
Balabəy Ağayev isə bu mərhələdə Ukrayna cüdoçusu Dilşot Xalmatov üzərində qələbə qazanıb.
Beləliklə, hər iki Azərbaycan təmsilçisi dünya çempionatında mübarizəni davam etdirəcək.
Qeyd edək ki, Bakıda keçirilən mundial oktyabrın 11-dək davam edəcək. Azərbaycan yarışda ümumilikdə 13 çəki dərəcəsində 24 cüdoçu ilə təmsil olunur. Komandada 17 kişi və 7 qadın idmançı yer alır.
