Şabran icra başçısının kənd sakinlərinə qarşı xüsusi ittiham şikayəti rədd olunub
Elpress.az xəbər verir ki, Xaçmaz Rayon Məhkəməsində Şabran Rayon İcra Hakimiyyətinin başçısı Asif Hüseynovun iki kənd sakini ilə bağlı xüsusi ittiham qaydasında verdiyi şikayət üzrə məhkəmə prosesi başa çatıb.Hakim Samir Bayramovun sədrliyi ilə keçirilən iclasda icra başçısının şikayəti təmin edilməyib. Şikayət Uzunboyad kənd sakinləri Səbirə Vəliyeva və onun oğlu Vüsal Muradova qarşı verilib. Asif Hüseynov onların böhtanla bağlı Cinayət Məcəlləsinin 147-ci maddəsi üzrə məsuliyyətə cəlb olunmasını tələb edib.Mübahisənin 2022-ci ildə 15 ton toxumluq arpanın alqı-satqısı ilə bağlı olduğu bildirilir. Səbirə Vəliyevanın oğlu Vüsal Muradovun sözlərinə görə, arpa 10 min 500 manat qarşılığında nisyə satılıb, lakin ödənişin həyata keçirilmədiyi iddia olunur.Sakinlərin məsələ ilə bağlı müraciətlərindən sonra icra başçısının məhkəməyə xüsusi ittiham qaydasında şikayət etdiyi qeyd edilir.Xaçmaz Rayon Məhkəməsi nəticə etibarilə şikayəti təmin etməyib və bununla xüsusi ittiham qaydasında aparılan məhkəmə prosesinə yekun vurulub.
