Aysel Əlibəyli
06 Avqust 2026 · 22:20
1044 baxış
Buzovnada dənizdə batan MAA tələbəsi Ruslan Həmidov “World Robot Caspian Cup” qalibi imiş
Elpress.az xəbər verir ki, Avqustun 2-də Buzovna qəsəbəsində dənizin nəzarətsiz ərazisində batan şəxslərdən biri olan Milli Aviasiya Akademiyasının tələbəsi Ruslan Həmidovun robototexnika üzrə yarışın qalibi olduğu bəlli olub. O, 2026-cı ildə Azərbaycanda keçirilən “World Robot Caspian Cup” çempionatının qalibi adını qazanıbmış.Hadisə zamanı 2009-cu il təvəllüdlü Aysel Həmidova xilas edilib, 2014-cü il təvəllüdlü Əli Həmidovun meyiti elə həmin gün sahildə tapılıb. 2004-cü il təvəllüdlü Ruslan Həmidovun meyiti isə avqustun 4-də dalğıclar tərəfindən sudan çıxarılaraq aidiyyəti üzrə təhvil verilib.
