Sumqayıtdakı bağçada uşağın müəllim tərəfindən döyüldüyü iddia olunur: rəhbərlik açıqlama verdi
Elpress.az xəbər verir ki, Sumqayıtda fəaliyyət göstərən “Nauka Tədris Mərkəzi” adlı özəl məktəbəqədər təhsil müəssisəsində uşağın döyüldüyü iddiası ilə bağlı rəhbərlik açıqlama verib.Valideynin iddiasına görə, övladları bağçada 7 ay ərzində psixoloji təzyiq, kobud rəftar və fiziki zorakılığa məruz qalıb. Bildirilir ki, son hadisə zamanı uşaqlardan biri müəllim tərəfindən vurulub və məsələ ilə bağlı hüquq-mühafizə orqanlarına müraciət edilib.Müəssisənin rəhbəri isə iddiaları təkzib edib. O bildirib ki, uşağın müəllim tərəfindən döyülməsini təsdiqləyən hər hansı hal müşahidə kameralarının görüntülərində qeydə alınmayıb.Rəhbərin sözlərinə görə, hadisə ilə bağlı kamera görüntüləri, WhatsApp yazışmaları, səs materialları və digər sənədlər qorunub saxlanılır və zərurət yaranacağı təqdirdə aidiyyəti dövlət orqanlarına və məhkəməyə təqdim edilə bilər.
