Aysel Əlibəyli
27 May 2026 · 21:51
1102 baxış
Türkiyə Birinci Liqasının klubu “Ankaragücü”nün futbolçusu Furkan Perker Qurban bayramı tətilində ailəsi ilə birlikdə ağır yol qəzası keçirib.
Elpress.az -ın Türkiyə mətbuatına istinadən verdiyi xəbərə görə, hadisə onlar Ankaradan Antalyanın Manavqat rayonuna yola düşərkən baş verib. Avtomobil Dereağzı bölgəsindən keçərkən idarəetmədən çıxıb, yol kənarındakı beton maneəyə çırpılıb və bir neçə dəfə aşıb. Maşın tamamilə yararsız hala düşüb, sıxılmış vəziyyətdə qalan 2 nəfəri xilasedicilər güclə nəqliyyat vasitəsindən çıxarıb.Qəzada futbolçu Furkan Perker, atası Fərşat Perker, anası Elif İrəm Perker, qardaşı Vatan Perker və 11 yaşlı bacısı M.P. yaralanıb. Beş nəfər ilkin tibbi yardımdan sonra Manavqatdakı xəstəxanalara yerləşdirilib.
