Bakının Sabunçu rayonunun Nardaran qəsəbəsində yerləşən “Sea Breeze” istirahət mərkəzində faciə baş verib.
Elpress.az xəbər verir ki, “112” qaynar telefon xəttinə istirahət mərkəzinin hovuzunda azyaşlı uşağın ayağının su nasosunda sıxılı vəziyyətdə qalması barədə məlumat daxil olub.Məlumat daxil olduqdan dərhal sonra əraziyə Fövqəladə Hallar Nazirliyinin aidiyyəti xilasetmə qüvvələri cəlb edilib.Hadisə yerində xilasedicilər və təcili tibbi yardım briqadası tərəfindən operativ tədbirlər həyata keçirilib. Uşağın xilas edilməsi üçün reanimatoloji müdaxilələr də aparılıb.Lakin görülən tədbirlərə baxmayaraq, 2022-ci il təvəllüdlü azyaşlının həyatını xilas etmək mümkün olmayıb.Hadisə ilə bağlı aidiyyəti qurumlar tərəfindən araşdırma aparılır.
Faciənin başvermə səbəbləri və hadisənin digər detalları araşdırmanın nəticələrinə uyğun olaraq müəyyənləşdiriləcək.
