Məktəb dəyişmək üçün elektron sistemə müraciətlərin qəbulu 7 sentyabrda başa çatacaq
Elpress.az xəbər verir ki, Şagirdlərin ümumi təhsil müəssisələri arasında elektron yerdəyişməsi ilə bağlı müraciətlərin qəbulu sentyabrın 7-də dayandırılacaq.Avqustun 20-də saat 15:00-da başlayan proses çərçivəsində valideynlər sy.edu.az elektron sistemi vasitəsilə övladlarının məktəb yerdəyişməsi ilə bağlı sorğu yerləşdirə bilirlər.Elektron sistem üzərindən sorğu qəbulunun 7 sentyabr saat 12:00-da yekunlaşdırılması nəzərdə tutulur.Həmin tarixədək sorğu yerləşdirən valideynlər isə övladlarının sənədlərini yerdəyişmə etdikləri ümumi təhsil müəssisəsinə sentyabrın 10-u saat 15:00-dək təqdim etməlidirlər.Bildirilib ki, yerdəyişmə prosesi başa çatdıqdan sonra tamamlanmamış sorğular və növbələr sistem tərəfindən avtomatik şəkildə silinəcək.
