Aysel Əlibəyli
20 Oktyabr 2026 · 17:48
1012 baxış
Oktyabrın 20-də Türkmənistanın paytaxtı Aşqabadda ekoloji təşəbbüslər və uşaqların rifahı ilə bağlı əməkdaşlıq məsələləri müzakirə olunub.
Elpress.az xəbər verir ki, görüşdə Heydər Əliyev Fondunun vitse-prezidenti Leyla Əliyeva, Oğulcahan Atabayeva və Saida Mirziyoyeva iştirak ediblər.
Tərəflər ətraf mühitin qorunması, uşaqlara qayğı və sosial-humanitar sahədə birgə fəaliyyət imkanlarını nəzərdən keçiriblər. Söhbət zamanı Aşqabadda keçirilməsi nəzərdə tutulan MAMA “Ana təbiət” beynəlxalq incəsənət sərgisinin əhəmiyyəti də diqqətə çatdırılıb.
Leyla Əliyeva birgə səylərlə mühüm ekoloji layihələrin həyata keçirilə biləcəyini bildirib. Saida Mirziyoyeva isə uşaqların təhlükəsiz və qayğıkeş mühitdə böyüməsinin vacibliyini vurğulayıb.
