Şükürbəyli və Horovluya qayıdan ailələrə yeni evlərinin açarları verilib
Elpress.az xəbər verir ki, Cəbrayıl rayonunun Şükürbəyli və Horovlu kəndlərinə növbəti məcburi köçkün ailələrinin qayıdışı baş tutub.Avqustun 28-də təşkil olunan köç zamanı Şükürbəyli kəndinə 15 ailə olmaqla 86 nəfər, Horovlu kəndinə isə 3 ailə, ümumilikdə 12 nəfər yerləşdirilib. Doğma torpaqlarına qayıdan ailələr indiyədək Azərbaycanın müxtəlif ərazilərində, əsasən yataqxana, sanatoriya və inzibati binalarda müvəqqəti məskunlaşıblar.Köçürülən sakinlər üçün kəndlərdə inşa edilmiş yeni mənzillərin açarları təqdim olunub. Doğma yurda qayıdan ailələr yaradılan şəraitə və göstərilən dövlət qayğısına görə təşəkkürlərini ifadə ediblər.Sakinlər torpaqların işğaldan azad olunması uğrunda döyüşən Azərbaycan Ordusunun hərbçilərinə minnətdarlıqlarını bildirərək şəhidlərin xatirəsini ehtiramla yad ediblər.Köç mərasimində Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyinin, eləcə də Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
