Aysel Əlibəyli
14 Oktyabr 2026 · 21:57
1014 baxış
Azərbaycanlı reper Navai (Nəvai Bəkirov) Qazaxıstanda saxlanıldıqdan sonra dindirilmə zamanı narkotik vasitələri Bişkek şəhərində əldə etdiyini bildirib.
Elpress.az xəbər verir ki, bu barədə “Baza” Telegram kanalı Qazaxıstan Daxili İşlər Nazirliyinə istinadən məlumat yayıb.
Məlumata görə, reperin saxlanıldığı “Oordab” sərhəd-keçid məntəqəsində onun menecerinə məxsus əl çantasından təxminən 10 qram qadağan olunmuş maddə aşkarlanıb.
Sənətçi barəsində qətimkan tədbirinin yaxın vaxtlarda məhkəmə tərəfindən müəyyən ediləcəyi bildirilir. Narkotik vasitələrin qaçaqmalçılığı ittihamı təsdiqlənərsə, Navai 5 ilədək azadlıqdan məhrum edilə bilər.
