Azərbaycan və Birləşmiş Ərəb Əmirliklərinin hərbi qulluqçularının qatıldığı birgə təlimdə aviasiya vasitələrinin tətbiqi üzrə praktiki fəaliyyətlər yerinə yetirilib.
Elpress.az xəbər verir ki, Müdafiə Nazirliyinin məlumatına görə, “Şahinlərin Görüşü-2026” müştərək taktiki-uçuş təlimi çərçivəsində əvvəlcə şəxsi heyətə brifinq keçirilib, qarşıya qoyulan tapşırıqlar və uçuşların təşkili qaydaları dəqiqləşdirilib.
Daha sonra təyyarə və helikopterlərin iştirakı ilə uçuşlar təşkil olunub. Təlim zamanı aviasiya vasitələrinin tətbiqi və müəyyən edilmiş əməliyyatların icrası üzrə fəaliyyətlər məşq etdirilib.
Təlimin əsas məqsədi hərbi qulluqçuların peşəkar hazırlığını artırmaq, təcrübə mübadiləsini genişləndirmək və iki ölkənin hərbi bölmələri arasında birgə fəaliyyət imkanlarını təkmilləşdirməkdir.
Qeyd edək ki, “Şahinlərin Görüşü-2026” müştərək taktiki-uçuş təlimi oktyabrın 20-dək davam edəcək.
