İyulun 26-da Bakıda havanın temperaturunun 40, bəzi rayonlarda isə 41 dərəcəyədək yüksələcəyi gözlənilir.
Elpress.az xəbər verir ki, Milli Hidrometeorologiya Xidmətinin məlumatına görə, iyulun 26-da Bakıda və Abşeron yarımadasında hava əsasən günəşli keçəcək. Cənub-şərq küləyi əsəcək.Paytaxtda havanın temperaturu gecə 23–26°, gündüz isə 35–39° isti olacaq, bəzi ərazilərdə temperaturun 40°-yə yaxınlaşacağı gözlənilir. Atmosfer təzyiqi 752 mm civə sütunu, nisbi rütubət isə gecə 70–75%, gündüz 40–50% təşkil edəcək.Azərbaycanın rayonlarında da əsasən yağmursuz hava şəraiti proqnozlaşdırılır. Lakin gündüz saatlarında bəzi dağlıq ərazilərdə qısamüddətli yağış, şimşək, dolu və duman müşahidə oluna bilər. Havanın temperaturu bəzi bölgələrdə 40–41°-dək yüksələcək.
