“BakuBus” qadın sürücülərin ictimai nəqliyyat sahəsinə cəlb olunması üçün yeni vakansiya elan edib.
Elpress.az xəbər verir ki, “BakuBus” MMC ictimai nəqliyyatda gender bərabərliyinin təşviqi və inklüziv iş mühitinin yaradılması məqsədilə qadın sürücülərin işə qəbuluna başlayıb. Şirkət bildirib ki, bu təşəbbüs xidmət keyfiyyətinin artırılması və qadınların nəqliyyat sahəsində təmsilçiliyinin genişləndirilməsinə xidmət edir.Məlumata görə, D kateqoriyalı sürücülük vəsiqəsinə malik olan bütün qadın namizədlər müraciət edə bilərlər. İşə qəbul olunan sürücülər Bakı şəhərində “BakuBus” MMC-nin istismarında olan bütün marşrut xətləri üzrə fəaliyyət göstərəcəklər. Vakansiya üzrə aylıq əməkhaqqı 1460 AZN müəyyən edilib.Şirkət artıq 10-dan çox qadın namizədin vakansiyaya müraciət etdiyini, müraciət edənlərin fərdi qaydada müsahibəyə dəvət olunaraq işə qəbul prosesi ilə bağlı ətraflı məlumatlandırılacağını bildirib.
