Bakıda leysan və güclü külək, rayonlarda isə dolu ehtimalı var
Elpress.az xəbər verir ki, Avqustun 31-də Azərbaycanda hava şəraitinin qeyri-sabit keçəcəyi gözlənilir.Milli Hidrometeorologiya Xidmətinin məlumatına görə, Bakıda və Abşeron yarımadasında bəzi yerlərdə yağış yağacaq. Yağıntının ayrı-ayrı ərazilərdə leysan xarakterli olacağı, şimşək çaxacağı ehtimal edilir. Axşam saatlarında yağışın qısamüddətli və intensiv olacağı gözlənilir. Şimal-qərb küləyi də arabir güclənəcək.Paytaxtda temperaturun gecə 20-23, gündüz isə 24-26 dərəcə isti olacağı proqnozlaşdırılır.Ölkənin rayonlarında da bəzi yerlərdə yağış yağacaq. Ayrı-ayrı ərazilərdə leysan, şimşək və dolu ehtimalı var. Gecə və səhər dağlıq ərazilərdə duman müşahidə oluna bilər.Rayonlarda temperaturun gecə 18-23, gündüz 25-29 dərəcə isti, dağlıq ərazilərdə isə gecə 11-16, gündüz 19-24 dərəcə isti olacağı bildirilir.
