İyunun 11-də Azərbaycanda əsasən isti və yağmursuz hava şəraiti müşahidə olunacaq.
Elpress.az xəbər verir ki, Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu keçəcək, yağıntı gözlənilmir. Şimal-şərq küləyi axşam saatlarında şimal-qərb küləyi ilə əvəz olunacaq.Paytaxtda havanın temperaturu gecə 18-21, gündüz isə 29-33 dərəcə isti təşkil edəcək.Rayonlarda da əsasən yağmursuz hava proqnozlaşdırılır. Bununla yanaşı, günün ikinci yarısından etibarən bəzi dağlıq və dağətəyi ərazilərdə arabir yağış yağacağı, şimşək çaxacağı və dolu düşəcəyi ehtimal olunur. Ayrı-ayrı yerlərdə yağıntının qısamüddətli intensiv xarakter alacağı da istisna edilmir.Bölgələrdə temperaturun gecə 18-21, gündüz 28-33 dərəcə isti olacağı gözlənilir. Dağlıq ərazilərdə isə gecə 8-13, gündüz 17-22, bəzi yerlərdə 25-28 dərəcə isti qeydə alınacaq.
