Milli Hidrometeorologiya Xidmətinin məlumatına görə, iyulun 10-da Azərbaycanda havanın əsasən yağmursuz keçəcəyi, bəzi rayonlarda temperaturun 37 dərəcəyədək yüksələcəyi gözlənilir.
Elpress.az xəbər verir ki, Milli Hidrometeorologiya Xidməti iyulun 10-na olan hava proqnozunu açıqlayıb. Məlumata əsasən, Bakıda və Abşeron yarımadasında hava şəraiti əsasən yağmursuz keçəcək. Şimal-qərb küləyi gündüz saatlarında şimal-şərq küləyi ilə əvəz olunacaq. Paytaxtda havanın temperaturu gecə 20-23, gündüz isə 30-35 dərəcə isti olacaq.Ölkənin rayonlarında da əsasən yağmursuz hava şəraiti üstünlük təşkil edəcək. Bununla yanaşı, günün ikinci yarısında bəzi dağlıq ərazilərdə qısamüddətli yağış yağacağı, şimşək çaxacağı və dolu düşəcəyi ehtimal olunur. Gecə və səhər saatlarında bəzi dağlıq rayonlarda duman müşahidə ediləcək, mülayim şərq küləyi əsəcək.Sinoptiklərin proqnozuna görə, rayonlarda havanın temperaturu gecə 20-25, gündüz 32-37 dərəcə isti olacaq. Dağlıq ərazilərdə isə gecə 11-16, gündüz 20-25, bəzi yerlərdə isə 28-30 dərəcə isti qeydə alınacaq.
