Aysel Əlibəyli
24 İyul 2026 · 11:37
1108 baxış
Zabrat–Maştağa–Bağlar dəmir yolu xətti yenidən istifadəyə veriləcək
Elpress.az xəbər verir ki, 2025–2030-cu illəri əhatə edən Dövlət Proqramına uyğun olaraq Bakı və ətraf qəsəbələrdə dəmir yolu infrastrukturunun inkişafı davam etdirilir. Layihə çərçivəsində Zabrat–Maştağa–Bağlar dəmir yolu xətti yenidən istifadəyə veriləcək, tarixi Maştağa stansiyası əsaslı təmir olunacaq və istifadəsiz qalan dəmir yolu infrastrukturu bərpa ediləcək.
Bildirilib ki, tikinti işləri zamanı mühafizə zolağına düşən bəzi tikililər söküləcək və onların sahiblərinə qanunvericiliyə uyğun kompensasiya ödəniləcək.
Layihənin həyata keçirilməsi nəticəsində sakinlərin paytaxtın müxtəlif istiqamətlərinə daha rahat və sürətli nəqliyyat imkanı əldə etməsi nəzərdə tutulur.
