“Azəriqaz”dan xəbərdarlıq: Sabah Balaxanıda qaz təchizatı müvəqqəti dayandırılacaq
Elpress.az xəbər verir ki, Bakının Sabunçu rayonunun bir hissəsində abonentlər qazsız qalacaq. Bununla bağlı “Azəriqaz” İstehsalat Birliyi əhaliyə rəsmi məlumat yayıb.Bildirilib ki, payız-qış mövsümünə hazırlıq çərçivəsində qaz xətlərində planlaşdırılmış texniki işlər həyata keçiriləcək. Bu səbəbdən iyulun 7-də saat 10:00-dan etibarən işlər başa çatanadək Sabunçu rayonunun Balaxanı qəsəbəsində qaz təchizatında müvəqqəti fasilə yaranacaq.”Azəriqaz” qeyd edib ki, qazın verilişi təmir və yenidənqurma işləri tam yekunlaşdıqdan sonra bərpa olunacaq. Qurum sakinlərdən yaranacaq müvəqqəti narahatlığı anlayışla qarşılamalarını xahiş edib və təhlükəsizlik qaydalarına riayət etməyi tövsiyə edib.
