Ukrayna kəşfiyyatından iddia: Rusiya hava müdafiəsini Moskva və Krım istiqamətində gücləndirir
Ukrayna Prezidenti Volodimir Zelenski bildirib ki, ölkənin kəşfiyyatı Rusiyanın daxili sənədlərini əldə edib. Onun sözlərinə görə, sənədlərdə Ukraynanın uzaqmənzilli zərbələrinin nəticələri və Rusiyanın buna qarşı gördüyü cavab tədbirləri əks olunub.Zelenski qeyd edib ki, Rusiya hava hücumundan müdafiə sistemlərini Moskva və Kerç körpüsü ətrafına cəmləşdirir, digər istiqamətlərdə isə müdafiə imkanları zəifləyib.Ukrayna lideri əlavə edib ki, Rusiyanın raket istehsalı və strateji aviasiyasının vəziyyəti ilə bağlı məlumatlar da əldə olunub. O bildirib ki, Kiyev müharibənin davam etdirilməsinə və Ukrayna ərazisinə endirilən zərbələrə cavab olaraq yeni addımlar hazırlayır.Son həftələrdə Moskva və Krım istiqamətində hücumlar artıb. Ukrayna tərəfi Rusiyanın müxtəlif hərbi və strateji obyektlərinə zərbələr endirdiyini açıqlayıb. Rusiya hakimiyyəti isə bir sıra hallarda hava hücumlarının qarşısının alındığını bildirib.Zelenski həmçinin Ukraynanın diplomatik təkliflər irəli sürdüyünü və müharibənin uzanmasına görə məsuliyyətin Rusiya rəhbərliyinin üzərində olduğunu vurğulayıb.
