Filippində 7,8 bal gücündə güclü zəlzələ baş verib: Ölənlərin sayı 32-yə çatıb, yaralıların və dağıntılar altında qalanların olduğu bildirilir, xilasetmə və axtarış işləri bölgədə fasiləsiz şəkildə davam etdirilir.
Filippində baş verən güclü yeraltı təkanlar nəticəsində azı 3 nəfər həyatını itirib, 4 nəfər isə müxtəlif dərəcəli xəsarətlər alıb. Zəlzələnin episentrinə yaxın ərazilərdə, xüsusilə Xeneral-Santos şəhərində bir neçə bina uçub, Mindanao adasının şimal və mərkəzi bölgələrində isə 37-dən çox tikilinin zərər gördüyü bildirilir. Zərər çəkən obyektlər arasında məktəblər, xəstəxanalar və yaşayış evləri də var.Hadisədən sonra Filippin Prezidenti Ferdinand Marcos Jr. təhlükəsizlik məqsədilə Mindanao adasının bir neçə əyalətində tədrisin müvəqqəti dayandırılması barədə göstəriş verib. Eyni zamanda Filippin Vulkanologiya və Seysmologiya İnstitutu bölgə üçün sunami təhlükəsi ilə bağlı xəbərdarlıq edərək sahilyanı ərazilərdə yaşayan əhalini ehtiyatlı olmağa çağırıb.
