Ölkədə 2 mindən çox uşaq gecələməyə yer tapmayıb
Elpress.az xəbər verir ki, Fransada yaşayış yeri olmayan uşaqların sayında artım qeydə alınıb. “UNICEF France” və Həmrəylik Aktorları Federasiyasının hesabatına əsasən, ən azı 2355 uşaq gecələmək üçün yer tapa bilməyib.Hesabata görə, həmin uşaqların valideynləri təcili yerləşdirmə xidməti olan “115” nömrəsinə müraciət etsələr də, ailələrə uyğun yaşayış yeri təqdim edilməyib. Evsiz qalan uşaqlar arasında 3 yaşınadək 514 uşaq, o cümlədən 1 yaşına çatmayan 173 körpə var.Bu göstəricinin 2025-ci illə müqayisədə 9 faiz, 2022-ci illə müqayisədə isə 42 faiz yüksəldiyi bildirilir. Qeyd olunur ki, 2022-ci ildə Fransa hökuməti küçədə yaşayan uşaqların sayını sıfıra endirmək məqsədini açıqlamışdı.Təşkilatların fikrincə, faktiki vəziyyət hesabatda göstərilən rəqəmlərdən daha ağır ola bilər. Belə ki, “115” xidmətinə müraciət edə bilməyən və ya müraciətləri qəbul olunmayan ailələr, müşayiətsiz yetkinlik yaşına çatmayanlar və düşərgələrdə yaşayan şəxslər statistikaya daxil edilməyib.“UNICEF France” və Həmrəylik Aktorları Federasiyası uşaqların evsizlik şəraitində yaşamasının onların sağlamlığına, təhsilinə və sosial həyatına mənfi təsir göstərdiyini, həmçinin zorakılıqla üzləşmə riskini artırdığını vurğulayıb.2027-ci ildə keçiriləcək prezident seçkiləri öncəsi təşkilatlar siyasi qüvvələri problemin həllini prioritet məsələlərdən birinə çevirməyə çağırıblar. Onlar əlavə 10 min yaşayış yerinin yaradılmasını, o cümlədən hamilə qadınlar və doğum evindən yeni çıxmış analar üçün 2500 yer ayrılmasını tələb edirlər.
