Azərbaycan və İran parlament rəhbərləri Bakıda görüşdü: Regional məsələlər müzakirə olundu
Milli Məclisin sədri Sahibə Qafarova Bakıda keçirilən İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci sessiyası çərçivəsində İran İslam Şurası Məclisinin sədri Məhəmməd Baqer Qalibafla görüş keçirib.Görüş zamanı Azərbaycan-İran parlamentlərarası əlaqələrinin inkişafı, ikitərəfli əməkdaşlıq imkanları və regionda baş verən son proseslər müzakirə olunub.Sahibə Qafarova iki ölkə arasındakı münasibətlərin hazırkı səviyyəsindən məmnunluq ifadə edərək, əlaqələrin dostluq və qonşuluq prinsipləri əsasında daha da inkişaf edəcəyinə ümid etdiyini bildirib.Tərəflər müxtəlif sahələrdə həyata keçirilən layihələrə, yeni əməkdaşlıq perspektivlərinə və parlamentlər arasında əlaqələrin genişləndirilməsinin əhəmiyyətinə toxunublar.Görüşdə regional gərginliyin azalması, davamlı sülh və sabitliyin təmin olunması istiqamətində aparılan danışıqların vacibliyi vurğulanıb. Həmçinin Azərbaycan tərəfindən İrana göstərilən humanitar dəstək və qarşılıqlı münasibətlərdə bu addımların rolu qeyd olunub.Məhəmməd Baqer Qalibaf Azərbaycan dövlətinə və xalqına göstərilən dəstəyə görə təşəkkürünü ifadə edib, iki ölkə arasında əlaqələrin son dövrdə inkişaf etdiyini vurğulayıb.
