Elpress.az xəbər verir ki, Kolumbiyada baş verən güclü zəlzələdən təxminən bir həftə sonra bəzi bölgələrdə səmanın tünd qırmızı və narıncı rəngə boyanması sosial şəbəkələrdə geniş müzakirələrə səbəb olub.
Avqustun 10-da ölkənin qərbində 7,4 bal gücündə zəlzələ baş verib. Təkanların episentri Çoko bölgəsində, San Xose del Palmar yaxınlığında qeydə alınıb. Zəlzələ Kali, Pereyra və Manizales kimi şəhərlərdə də hiss olunub və bir sıra ərazilərdə dağıntılara səbəb olub.Hadisədən bir neçə gün sonra gün batımı zamanı qeydə alınan qeyri-adi görüntülərin yeni zəlzələlərin xəbərçisi olduğu ilə bağlı sosial mediada müxtəlif iddialar yayılıb. Lakin bu fikirləri təsdiqləyən elmi sübut yoxdur.
Mütəxəssislərə görə, günəş batarkən işığın atmosferdə daha uzun məsafə qət etməsi qırmızı və narıncı rənglərin daha intensiv görünməsinə səbəb ola bilər. Atmosferdəki toz, tüstü, müxtəlif hissəciklər və buludların quruluşu da səmanın rəngini daha da tündləşdirə bilər.Sosial şəbəkələrdə yayılan görüntülərin əlaqələndirildiyi Qaleras isə Narino bölgəsində yerləşən aktiv vulkandır. Vulkanın vəziyyəti Kolumbiyanın Geoloji Xidməti tərəfindən seysmik, geodeziya, geokimyəvi və vizual müşahidələr vasitəsilə daim nəzarətdə saxlanılır.
Beləliklə, səmanın qırmızı rəng alması özlüyündə zəlzələ və ya yeni seysmik aktivliyin göstəricisi hesab edilmir.
