Rusiya Prezidenti BMT-nin beynəlxalq münasibətlərdə əsas mexanizm olaraq qalmasının vacibliyini vurğulayıb
Elpress.az xəbər verir ki, Rusiya Prezidenti Vladimir Putin BMT-nin gələcəkdə də dünya nizamında mərkəzi rolunu saxlamalı olduğunu bildirib. Putin bunu “ŞƏT plyus” formatında keçirilən görüşdə çıxışı zamanı deyib.Rusiya lideri BMT-nin səkkiz onillik ərzində dialoq, diplomatiya və əməkdaşlıq üçün mühüm platforma olduğunu qeyd edib. Onun sözlərinə görə, təşkilatın mövcud potensialı hələ tam reallaşdırılmayıb.Putin BMT-nin fəaliyyətinin səmərəliliyinin artırılmasının, eləcə də Təhlükəsizlik Şurası da daxil olmaqla təşkilatın qurumlarında Qlobal Cənub və Şərq ölkələrinin təmsilçiliyinin genişləndirilməsinin vacibliyini vurğulayıb.O bildirib ki, BMT dəyişən reallıqlara və qlobal siyasət və iqtisadiyyatda baş verən fundamental dəyişikliklərə uyğunlaşdırılmalıdır. Rusiya Prezidenti həmçinin təşkilatın hər hansı ölkənin və ya dövlətlər qrupunun maraqlarını irəli sürən quruma çevrilməməli olduğunu deyib.
