Dunayda suyun səviyyəsinin kritik həddə enməsi Çernavoda AES-i üçün risk yaradıb
Elpress.az xəbər verir ki, Rumıniyada yerləşən Çernavoda Atom Elektrik Stansiyasının fəaliyyətində yeni məhdudiyyət yarana bilər.Ölkənin nüvə enerjisi operatoru “Nuclearelectrica” Dunay çayında suyun səviyyəsinin davamlı azalması səbəbindən stansiyanın hazırda işləyən yeganə reaktoru olan 2-ci blokun avqustun 13-də nəzarətli şəkildə dayandırıla biləcəyini açıqlayıb.AES-in 1-ci bloku isə şiddətli quraqlıq və çaydakı su səviyyəsinin kəskin enməsi səbəbindən iyulun 28-də dayandırılıb.Rumıniya Milli Su Administrasiyasının nümayəndəsi bildirib ki, Çernavoda ərazisində reaktorların soyudulmasında istifadə olunan suyun səviyyəsi kritik həddə çatıb. Onun sözlərinə görə, mövcud vəziyyət 2-ci blokun da dayandırılmasını qaçılmaz edə bilər.Mütəxəssislər su səviyyəsinin daha da aşağı düşə biləcəyini və reaktorun dayandırılması halında onun ən azı iki həftə fəaliyyət göstərməyəcəyini bildiriblər.
