Elpress.az “UNIAN”a istinadən xəbər verir ki, Rusiya ordusu səhər saatlarında Ukraynanın Dnepr şəhərinə ballistik raketlə zərbə endirib.
Məlumata görə, hücum nəticəsində azı 4 nəfər həyatını itirib, daha 10 nəfər müxtəlif dərəcəli bədən xəsarətləri alıb.
Bu barədə Aleksandr Qanja məlumat verib. Onun sözlərinə görə, yaralılar dərhal xəstəxanalara çatdırılıb və onlara zəruri tibbi yardım göstərilir.
Hazırda raket hücumunun yaratdığı dağıntıların miqyası və dəymiş ziyanın həcmi müəyyənləşdirilir. Hadisə yerində fövqəladə xidmətlərin əməkdaşları və xilasedicilər fəaliyyətlərini davam etdirirlər.
Qeyd edək ki, son aylarda Ukraynanın müxtəlif bölgələrinə raket və pilotsuz uçuş aparatları ilə hücumların intensivləşməsi nəticəsində mülki infrastruktur və yaşayış məntəqələrinə ciddi ziyan dəyib.
