ABŞ–İran razılaşması Netanyahuya ciddi siyasi zərbə ola bilər.
Məlumata görə, İsrail rəsmiləri ABŞ–İran sazişinin yekun nəticə verəcəyinə ehtiyat və skeptisizm ilə yanaşırlar. Mənbələrdən birinin bildirdiyinə əsasən, Benyamin Netanyahu artıq razılaşmanın qaçılmaz olduğunu anlayır və onun qarşısını almaq imkanının məhdud olduğunu dərk edir.Portalın iddiasına görə, Netanyahuya qarşı çıxan siyasi qüvvələr onu ABŞ Prezidenti Donald Trump tərəfindən irəli sürülən şərtləri qəbul etməklə İsraili “vassal dövlət” vəziyyətinə salmaqda ittiham edirlər.Eyni zamanda, İsrail rəsmiləri açıq şəkildə Trampı tənqid etməsələr də, qapalı görüşlərdə mümkün sazişə qarşı ehtiyatlı mövqe sərgiləyirlər. Onların əsas narahatlıqlarından biri razılaşmanın İsrailin Livandakı hərbi və siyasi fəaliyyət imkanlarını məhdudlaşdıra bilməsidir.ABŞ tərəfi isə İsrail rəsmilərini sakitləşdirməyə çalışır və sazişin detallarına tam şəkildə baxıldıqdan sonra onların mövqeyində yumşalma olacağına ümid edir.
