Vaşinqton İsraili İranla bağlı birtərəfli hərbi addımdan çəkinməyə çağırıb
Elpress.az xəbər verir ki, ABŞ administrasiyasının İsrailə İranla bağlı xəbərdarlıq etdiyi bildirilir.“Əl-Hədəs” telekanalının mənbələrə istinadən yaydığı məlumata görə, Vaşinqton İsrailə İrana qarşı birtərəfli hərbi zərbələr endirməməsi barədə xəbərdarlıq edib. Məlumatda ABŞ-ın regionda gərginliyin daha da artmasının qarşısını almağa çalışdığı qeyd olunur.Bildirilib ki, ABŞ tərəfi İsraili Suriya ilə bağlı mövcud gərginliyin azaldılması səviyyəsini qorumağa da təşviq edib.Mənbələrin məlumatına əsasən, İsrail isə öz növbəsində ABŞ-ı Qəzza zolağı və Livan ərazisinə zərbələri davam etdirmək planları barədə məlumatlandırıb.Məsələ ilə bağlı yayılan məlumatlar regionda İsrail, İran və ABŞ arasında hərbi-siyasi gərginliyin davam etdiyi bir vaxtda diqqət çəkir.
