Böyük Britaniyada 16–17 yaşlı gənclər üçün rəqəmsal “komendant saatı” tətbiq olunur
Elpress.az xəbər verir ki, Böyük Britaniya hökuməti yeniyetmələrin psixoloji sağlamlığını və yuxu rejimini qorumaq məqsədilə sosial media platformalarında yeni tənzimləmələrə gediş edir. Növbəti ilin yaz aylarından etibarən tətbiq olunacaq yeni qaydalara əsasən, 16 və 17 yaşlı istifadəçilər üçün gecə saatlarında xüsusi məhdudiyyətlər qüvvəyə minəcək.Qərara əsasən, saat 00:00-dan 06:00-dək sosial şəbəkə tətbiqlərinə giriş standart olaraq məhdudlaşdırılacaq (istəyə görə parametrlər dəyişdirilə bilər). Bununla yanaşı, istifadəçilərdə asılılıq yaradan sonsuz vərəqləmə (scroll) və videoların avtomatik oxudulması kimi funksiyalar söndürüləcək. Həmçinin, süni intellekt çat-botları ilə ünsiyyət zamanı yeniyetmələrə müntəzəm olaraq fasilə vermək haqqında bildirişlər göndəriləcək.
