Nazirlər diplomatik danışıqlara qayıdış və regional sabitliyin təmin olunması yollarını nəzərdən keçirib
Elpress.az xəbər verir ki, İranın xarici işlər naziri Abbas Əraqçi ilə Misirin xarici işlər naziri Bədr Əbdüləti arasında telefon danışığı baş tutub.İran Xarici İşlər Nazirliyinin məlumatına görə, tərəflər regionda mövcud vəziyyəti və gərginliyin azaldılması istiqamətində görülən tədbirləri müzakirə ediblər. Söhbət zamanı diplomatik prosesə qayıdış imkanları da nəzərdən keçirilib.Nazirlər Oman və İran arasında aparılan danışıqlar, həmçinin ABŞ və İran arasında hərtərəfli və davamlı razılaşmanın əldə olunmasına yönəlmiş anlaşma memorandumunun icrası barədə fikir mübadiləsi aparıblar.Bədr Əbdüləti regionda təhlükəsizlik və sabitliyin bərpasına imkan verəcək diplomatik səylərin gücləndirilməsinin vacibliyini vurğulayıb. O, beynəlxalq gəmiçiliyin sərbəstliyinin qorunmasının, Körfəz ölkələrinin təhlükəsizliyinə hörmət edilməsinin və region xalqlarının maraqlarının nəzərə alınmasının əhəmiyyətini qeyd edib.Abbas Əraqçi isə regionda baş verən son hadisələr və danışıqlar prosesində yaranan çətinliklərlə bağlı mövqeyini qarşı tərəflə bölüşüb.
