Aysel Əlibəyli
08 Oktyabr 2026 · 20:13
1012 baxış
Bakının Nərimanov rayonunda yol-nəqliyyat hadisəsi zamanı iki piyada xəsarət alıb.
Elpress.az xəbər verir ki, qəza oktyabrın 7-də Həsən Əliyev və Xan Şuşinski küçələrinin kəsişməsində baş verib. Yaralanan piyadalardan birinin azyaşlı olduğu bildirilir.
Hadisə zamanı ərazidə xidmət aparan yol polisi əməkdaşları xəsarət alan şəxslərə operativ müdaxilə edərək onları xidməti avtomobillə xəstəxanaya çatdırıblar.
Tibb müəssisəsində hər iki yaralıya təxirəsalınmaz tibbi yardım göstərilib. Müdaxilə nəticəsində onların həyatını xilas etmək mümkün olub.
