“Bavariya”nın 40 yaşlı qapıçısı 36-cı titulunu qazanaraq Tomas Mülleri geridə qoyub
Elpress.az xəbər verir ki, “Bavariya”nın qapıçısı Manuel Noyer qazandığı titulların sayına görə Almaniya futbolunun yeni rekorduna imza atıb.40 yaşlı qolkiper bu uğuru Almaniya Superkubokunda “Bavariya”nın 2:1 hesablı qələbə qazandığı matçda əldə edib. Qarşılaşmaya start heyətində başlayan Noyer karyerasında 36-cı titulunu qazanaraq keçmiş komanda yoldaşı Tomas Mülleri geridə qoyub.Noyer 2011-ci ilin iyulundan Münhen klubunun formasını geyinir. O, “Bavariya” ilə 13 dəfə Almaniya çempionu olub, iki dəfə UEFA Çempionlar Liqasını və iki dəfə UEFA Superkubokunu qazanıb.Qapıçının uğurları klub futbolu ilə də məhdudlaşmır. Noyer 2014-cü ildə Almaniya millisinin heyətində dünya çempionluğuna da sahib çıxıb. O, 2024-cü ildə milli komandadakı karyerasını başa vurduğunu açıqlasa da, 2026-cı il dünya çempionatında iştirak etmək üçün yığmaya qayıdıb.
