Çin Xalq Respublikasının nüfuzlu Tonqci Universitetinin vitse-prezidenti professor Li Xiangningin başçılıq etdiyi nümayəndə heyəti Azərbaycan Texniki Universitetində (AzTU) səfərdə olub.
Elpress.az-ın Qafqazinfo.az-a istinadən verdiyi məlumata əsasən, nümayəndə heyətini qarşılayan AzTU-nun beynəlxalq əlaqələr üzrə prorektoru Fariz Məmmədov universitetin fəaliyyəti barədə təqdimatla çıxış edib və həyata keçirilən mühəndislik layihələri haqqında geniş məlumat verib.Tonqci Universitetinin vitse-prezidenti professor Li Xiangning rəhbərlik etdiyi ali təhsil müəssisəsinin fəaliyyəti barədə danışaraq, iki universitet arasında tədris və tədqiqat sahələrində əməkdaşlığın genişləndirilməsinin vacibliyini vurğulayıb.Görüşdə tədris və tədqiqat üzrə birgə layihələrin istiqamətləri müəyyən edilib.Sonda AzTU ilə Tonqci Universiteti arasında “Əməkdaşlığa dair Niyyət Protokolu” imzalanıb.
